HONDARRIBIKO AIREPORTUA-DONOSTIA

Aireratzetik Hondarribiren, Txingudiko badiaren, Hendaiako eta Frantziako kostaldeko ikuspegi bikainez gozatuko duzu. Jaizkibel mendiaren iparraldetik Pasaiara joango gara. Bertan porturako sarrera estua ikusiko dugu eta, gero, Ulia menditik igarota, Donostiara iritsiko gara non, hasteko, Zurriolako hondartza ikusiko dugun eta, jarraian, Urgull mendiak babestutako Kontxako badia ederra, Santa Klara uhartea eta Igeldo mendia ikusiko ditugun. Orduan, aireportura itzuliko gara barrualdetik.

Hegaldiaren gutxi gorabeherako iraupena: 20 minutu.

Prezioa: 215€/bidaiari.

HONDARRIBIKO AIREPORTUA-DONOSTIA-ZARAUTZ

Hegaldiaren lehenengo zatian Donostiarainoko ibilbide bera egingo dugu, eta gero Igeldo mendiko kostaldetik jarraituko dugu Orioraino; Talaimenditik igaro eta Zarautzera iritsiko gara. Orduan Getariako ikuspegiaz gozatu ahal izango duzu, txakolineko mahastiekin eta guztiz.

Gipuzkoako probintziaren barrualdetik itzuliko gara aireportura, Usurbil, Andoain, Hernani eta Oiartzun udalerrien gainetik hegan eginez.

Hegaldiaren gutxi gorabeherako iraupena: 35 minutu.

Prezioa: 355€/bidaiari.

Oharrak

Helikopteroaren edukiera 3 pertsonatakoa da, gehi pilotua.

Bidaiari bat edo bi bidaiari bazatozte, soberan dauden tokiak betetzen saiatuko gara eta hegaldiaren data eta ordua zehaztu beharko ditugu.

Bakarrik edo bikotekidearekin bakarrik egin nahi baduzu hegan, 3 pertsonatako hegaldia erreserbatu beharko duzu.

Hegaldiaren iraupenak aldaketak izan ditzake kontrol-dorrearen jarraibideen edo egoera klimatikoaren ondorioz.

Hegaldiak bertan behera utzi edo alda daitezke egoera klimatiko, tekniko edo administratiboagatik.

Bidaiariko gehienezko pisua 110 kg-koa da; 110 kg baino gehiago pisatzen baduzu beste leku bat erosi beharko duzu.

Iritsi zaitez aireportura hegaldia baino 15 minutu lehenago.

NANa edo pasaportea erakutsi behar da helikopterora igo baino lehen.

Derrigorrezkoa da metal-detektagailutik eta ekipaje-kontroletik igarotzea.